Ливерпул, 7 јули 2022 (МИА) – Одбранбениот фудбалер Џо Гомез ќе продолжи да игра за Ливерпул. Клубот најави потпишување на долгорочен договор со англискиот репрезентативец. - Во моментов ова е еден од најдобрите клубови во светот, ако не и најдобар. Ми беше многу лесно да донесам одлука да останам овде. Сè уште се чувствувам како млад играч, мојот зеннит не е достигнат. Тоа сигурно може да се каже, изјави Гомез. Тој настапува за Ливерпул од 2015 година кога дојде од Чарлтон. Во сезоната 2021/22, Гомез одигра осум натпревари за „црвените“ од Енфилд и забележа една асистенција. зс/