Белград, 24 април 2024 (МИА) - Германија ќе инвестира 25 милиони евра во отворање нови работни места за Палестинците, почнувајќи од Западниот Брег и во источниот дел на Ерусалим, а целта на иницијативата е да се отворат 25.000 нови работни места во оваа област во рок од три години.

Иницијативата ја договорија германската министерка за развој Свења Шулц и новиот палестински премиер Мухамед Мустафа, се наведува на веб-страницата на германското Сојузно Министерство за економска соработка и развој (БМЗ).

„Невработеноста на Западниот Брег практично се зголеми тројно и сега изнесува 40 отсто“, рече Шулц.

Според неа, иницијативата треба да придонесе и за зачувување на постоечките работни места за Палестинците.

„Ужасниот терористички напад на Хамас и тековната војна во Газа веќе предизвикаа огромно страдање на Израелците и Палестинците“, нагласи Шулц. паг/

Фото: МИА архива