Панама Сити, 16 септември 2020 (МИА) - Повеќе од четири тони кокаин се запленети неделава во Панама во три одделни акции на полицијата, а во една од нив е уапсен гувернер од партијата на претседателот на државата. Гувернерот на домородната зона во карипскиот регион, Ерик Иван Мартело, кој е назначен од претседателот Кортизо, е уапсен заедно со уште едно лице додека патувале со автомобил во кој имало 79 килограми кокаин, сокриен под седиштето. Панама, преку која минуваат големи количества дрога од Колумбија на пат кон САД, минатата година го урна сопствениот годишен рекорд на заплена на дрога. Минатата година биле запленети 91 тон дрога, претежно кокаин. сд/