Дебар, 22 август 2025 (МИА) - Во гимназиите „28 ноември“ во Дебар и „АТА“ во Центар Жупа, во прва година, за учебната 2025/2026 година, пополнети се 190 од предвидените 272 ученички места.

-Во нашата образовна институција во двата уписни рока од предвидените 204 пополнети се 166 ученички места. Гледано одделно по наставен јазик, на македонски се 44 од предвидените 68, додека на албански 122 од предвидените 136 ученички места, рече за МИА, Афрона Леши, професорка и одговорна за упис во гимназијата во Дебар.

Во гимназијата во Центар Жупа, предвидената квота беше 68 ученици во две паралелки, односно по 34 ученици на двата наставни јазика.

- Во вториот уписен рок запишан е само еден ученик за настава на турски наставен јазик. Тоа значи дека во двата уписни рока запишани се 24 ученици во прва година. Од нив четворица се за паралелката на македонски и 20 на турски наставен јазик, рече за МИА, Сабри Асан, директор.

Додаваат дека уписот продолжува поради фактот што дел од учениците се соочиле со проблем при електронското пријавување. вт/сст/

Фото: МИА