Ханау, 6 ноември 2025 (МИА) – Полицијата во градот Ханау, во сојузната држава Хесен, уапсила 31-годишен маж поради цртање „свастики“ со крв по автомобили и фасади.

Според соопштението на полицијата, осомничениот е 31-годишен романски државјанин се сомничи за дело кое го сторил како „можна спонтана реакција“ на проблеми на работа. Тој ги цртал свастиките со сопствената крв, а во моментот на апсењето имал 1,2 промили алкохол во крвта. По апсењето, бил однесен во психијатриска установа.

Според сведоци и како што пренесуваат германските медиуми, 31-годишниот Романец имал проблеми на работа, а неговиот чин се толкува како реакција на тие проблеми. Полицијата отвори истрага за прикажување забранети симболи и оштетување на имот.

Градот Ханау е чувствителен на инциденти од десничарски екстремисти по масакрот во 2020 година, кога десничарски екстремист уби девет граѓани со странско потекло. јт/

Фото: ДПА