Скопје, 14 јануари 2026

СДС повторно растура пердуви во јавноста со цел да прикаже некаква поврзаност на ВМРО-ДПМНЕ со некакви фирми и да шири лаги и манипулации, се вели во реакцијата од ВМРО-ДПМНЕ на денешната прес-конференција на СДСМ, што МИА ја пренесува интегрално.

Кога во нивно време тендерите и набавките беа синоним за криминал и корупција и по „дифолт’“ одеа кај фирмите на семејствата на Заев и Филипче, денес тоа повеќе не е така.

Сите тендери и јавни набавки што се спроведуваат се законски, отчетни и транспарентни.

Го прашуваме СДС дали човек смее да има фирма/бизнис, да учествува на тендер/набавка и да биде член/симпатизер на политичка партија? Дополнително, дали има некаков вид криминал или корупција во тендерите? Ако се сомневаат во нешто, нека им се јават на нивните обвинители и судии, сигурни сме дека ќе им помогнат.

Центар за комуникации на ВМРО-ДПМНЕ

Фото: МИА архива