Бризбејн се враќа во тенискиот календар
- Турнирот во Бризбејн ќе се врати од идната година во календарот на АТП, првпат од 2020. и повторно ќе им служи на играчите како подготовка за настап на Австралија Опен.
![Бризбејн се враќа во тенискиот календар](https://new.mia.mk/images/20230915184935_big_730x400_42.webp )
Бризбејн, 15 септември 2023 (МИА) – Турнирот во Бризбејн ќе се врати од идната година во календарот на АТП, првпат од 2020. и повторно ќе им служи на играчите како подготовка за настап на Австралија Опен.
Своето прво издание турнирот во Бризбејн го имаше во 2009 година и привлече голем број навивачи, а меѓу освојувачите на трофејот на овој турнир беа Роџер Федерер, Серена Вилијамс, Енди Мареј и Марија Шарапова.
Од календарот на машки турнири беше исфрлен кога во 2019 година беше воведен АТП купот, а последен пат во женска конкуренција се одржа во 2020 година.
Организаторите во Бризбејн соопштија денеска дека комбинираниот машки АТП турнир од серијата 250 и женскиот ВТА од серијата 500 ќе се одржи од 31 декември до 7 јануари. ег/паг/
Фото: Фејсбук