Битола, 1 февруари 2024 (МИА) - Полициски службеници од полициската станица за безбедност на сообраќајот при СВР Битола и полициското одделение Велушина како и лица од селото Велушина, го пронајдоа Л.Н. (75 г.) кој беше пријавен за исчезнат.

Од СВР Битола соопштија дека лицето било пронајдено кај црквата во селото Кравари во добра здравствена состојба но изнемоштено и премрзнато, предадено е на неговите роднини и повикана е екипа од Итна медицинска помош од Битола.

Синоќа  во 19:45 часот, во СВР Битола лицето О.П. (54) од село Кравари пријавило дека неговиот дедо Л. Н. (75) од село Кравари се оддалечил од домот и се упатил во непознат правец, односно истатиот го пријави за исчезнат. По добиената пријава, веднаш од страна на полициски службеници од СВР-Битола преземени се мерки и активности за негово пронаоѓање при што беа организирани патроли за пребарување на теренот во поблиската и пошироката околина на селото Кравари, битолско.

-Полициски службеници од криминалистичката полиција на СВР Битола, како и полициски службеници од полициската станица за безбедност на сообраќајот при СВР Битола и полициското одделение Велушина како и лица од селото,  го пронајдоа лицето кај црквата во селото Кравари во добра здравствена состојба но изнемоштено и премрзнато, соопштија од СВР Битола. мт/

Фото: МИА