Барселона, 20 ноември 2020 (МИА) - Барселона и играчот за врска Ансу Фати имаат намера да склучат нов долгорочен договор, а страните не се согласуваат за времетраењето на тековниот договор, потпишан во декември 2019 година. Каталонскиот клуб верува дека договорот со 18-годишниот шпански репрезентативец се пресметува до 2022 година со автоматско продолжување до јуни 2024 година. Претставниците на Фати, вклучувајќи го и неговиот татко и познатиот фудбалски агент Хорхе Мендес, инсистираат на тоа дека договорот важи до 2022 година без еднострано пролонгирање, пишува „Мундо Депортиво“. Контроверзноста произлегува од толкувањето на членот 18 од регулативата на ФИФА за статусот и трансферите на играчи, според кои максималниот рок на договори со професионални фудбалери е пет години. Во исто време, рокот на договори со играчи на возраст под 18 години не може да надминува три години. Фати имал 17 години за време на потпишувањето на договорот. Според изворот, Барселона се повикува на клаузула во регулативата, според која со играчи под 18 години „можете да потпишете договори за други услови, доколку се предвидени со законодавството на земјата“. Клубот смета дека шпанскиот закон го дозволува тоа. зс/