Рим, 11 јуни 2024 (МИА) – Италијанскиот фудбалски прволигаш Лацио објави денеска дека нов тренер на римскиот клуб е Марко Барони.

„Лацио соопштува дека одговорноста на својот прв тим му ја довери на Марко Барони“, соопшти попладнево клубот и додаде дека италијанскиот тренер потпишал договор на „неколку години“.

Барони на клупата на Лацио доаѓа на местото на Хрватот Игор Тудор, кој ја напушти функцијата по само три месеци поради несогласување со клупските челници.

Барони (60) претходно ја водеше Верона, каде што пристигна минатото лето по две сезони во Лече.

Поранешниот дефанзивец го помина поголемиот дел од својата тренерска кариера во клубови од втората италијанска лига со само четири кратки периоди во Серија А. ег ФОТО: Фејсбук