Минхен, 15 август 2023 (МИА) - Баерн Минхен продолжува да бара нов голман во актуелниот преоден рок, објави новинарот Флоријан Плетенберг на своите социјални мрежи.

Во моментов во раководството на Баерн се разговара за голманот на Манчестер сити, Стефан Ортега. Веќе се водени преговори со страната на играчот.

Забележано е дека главниот тренер на англискиот тим Хосеп Гвардиола сака да го види голманот во тимот и ги разгледува опциите за продолжување на договорот со играчот.

Одлуката за преселба во Баерн целосно зависи од самиот играч. Клубот од Минхен продолжува да бара замена за Јан Зомер кој замина во Интер.

Во сезоната 2022/23, 30-годишниот Ортега настапи на 14 натпревари за Манчестер сити, прими седум гола и девет пати ја зачува мрежата „чиста“. зс/

Фото: Фејсбук