Англија без Палмер, Фоден и Воткинс на стартот во Лигата на нации
- Фил Фоден, Кол Палмер и Оли Воткинс ќе ги пропуштат септемвриските дуели на Англија во новата сезона во Лигата на нации, соопшти англиската фудбалска Асоцијација (ФА).
![Англија без Палмер, Фоден и Воткинс на стартот во Лигата на нации](https://new.mia.mk/images/20240904093020_big_730x400_29.webp )
Лондон, 4 септември 2024 (МИА) – Фил Фоден, Кол Палмер и Оли Воткинс ќе ги пропуштат септемвриските дуели на Англија во новата сезона во Лигата на нации, соопшти англиската фудбалска Асоцијација (ФА).
По извршените прегледи, Палмер и Воткинс се вратија во своите клубови за да го продолжат лекувањето. Фоден, исто така, нема да биде во англискиот состав поради болест.
Европскиот вицешампион Англија на отворањето на новата сезона во Лигата на нации гостува во Даблин на Република Ирска на 7 септември пред да ја пречека Финска три денови подоцна. ег ФОТО: Фејсбук