Ангелов го испрати тимот од Словенија кој помогна во справување со пожарите
- Директорот на Центарот за управување со кризи (ЦУК) Стојанче Ангелов синоќа го испратил тимот од Словенија на хеликоптерот „кагуар“, пилотите и придружниот воздухопловен персонал, кои помогнаа во гасењето на пожарите во државава.
![Ангелов го испрати тимот од Словенија кој помогна во справување со пожарите](https://new.mia.mk/images/20240816115946_big_730x400_19.webp )
Скопје, 16 август 2024 (МИА) - Директорот на Центарот за управување со кризи (ЦУК) Стојанче Ангелов синоќа го испратил тимот од Словенија на хеликоптерот „кагуар“, пилотите и придружниот воздухопловен персонал, кои помогнаа во гасењето на пожарите во државава.
Како што соопшти ЦУК, словенечкиот тим помогна „до максимум според можностите и на персоналот и според техничките можности на воздухопловите во справувањето со пожарите од поголеми размери во Македонија“.
-Ангелов притоа искажа голема благодарност за помошта - и до нив лично, и до нивната држава. Во таа пригода им врачи благодарници и скромен подарок за спомен на нивниот престој во Македонија, информира Центарот за управување со кризи . хс/са/
Фото: Центар за управување со кризи