Скопје, 6 декември 2024 (МИА) - Културно-едукативниот центар „Лабораториум“ денеска ќе ја промовира иницијативата „Senior kLab“  за создавање простор за потребите и интересите на пензионерите.

Центарот соопшти дека целта на настанот е да се слушнат мислењата на повозрасните сограѓани и да ја засили меѓугенерациската соработка преку нови и инклузивни активности.

-„Senior kLab“ е инспириран од успешните меѓугенерациски проекти на Лабораториум во изминатата година, кои покажаа дека пензионерите од Скопје се желни за активен социјален живот. Настанот ќе понуди можност учесниците да споделат идеи, да дискутираат за своите потреби и да учествуваат во креативна работилница, со цел заеднички да се креираат идни активности кои ќе го направат Лабораториум пријателски и отворен простор за сениорите, информира „Лабораториум“. хс/мд/

Фото: Културно-едукативен центар „Лабораториум“