Јузова: Моите коментари не ја претставуваат официјалната политика на Чешка
- - Сакам да разјаснам дека моите коментари беа темелени на моето долгорочно истражување и мислење како аналитичар на политики кој го следи проширувањето на ЕУ и чешката надворешна политика и т
![Јузова: Моите коментари не ја претставуваат официјалната политика на Чешка](https://new.mia.mk/images/20221113175044_big_730x400_69.webp )
Скопје, 9 јули 2022 (МИА) - Јана Јузова од чешкиот Институт „Еуропеум“ попладнево информираше дека нејзините ставови изнесени на вчерашниот форум во организација на Институтот за европска политика не се официјален став на Прага.
- Сакам да разјаснам дека моите коментари беа темелени на моето долгорочно истражување и мислење како аналитичар на политики кој го следи проширувањето на ЕУ и чешката надворешна политика и тие коментари во никој случај не ја претставуваат официјалната политика на Чешка, напиша Јузова на „Твитер“.
Јузова вчера беше онлајн учесник на форумот на ЕПИ, а во своето обраќање рече дека Чешка и земји-членки се вознемирени поради францускиот предлог за почеток на пристапните преговори со Северна Македонија.
– Според она што го слушнавме од чешкото МНР тие се многу вознемирени од Франција и Бугарија, а причината е што за предлогот не биле консултирани други земји-членки. Била консултирана само Бугарија, а останатите земји биле оставени во темнина, рече Јузова. бак/ац/
![јузова](/articles/images/%d1%98%d1%83%d0%b7%d0%be%d0%b2%d0%b0-%d0%bc%d0%be%d0%b8%d1%82%d0%b5-%d/D6I5ATWNO/placeholder.webp?use_watermark=0)