Штипски „Стипион“ ги чисти улиците и ги посипува со абразивен материјал
- Во штипскиот регион почнаа интензивни врнежи од снег. Механизацијата на штипското јавно претпријатие „Стипион“ почна да ги чисти улиците низ градот и населбите.
![Штипски „Стипион“ ги чисти улиците и ги посипува со абразивен материјал](https://new.mia.mk/images/20221105183023_big_730x400_82.webp )
Штип, 14 јануари 2021 (МИА) - Во штипскиот регион почнаа интензивни врнежи од снег. Механизацијата на штипското јавно претпријатие „Стипион“ почна да ги чисти улиците низ градот и населбите.
Директорот на ЈП „Стипион“, Сашко Протогеров, за МИА изјави дека во моментов седум вработени со две возила се на терен и ги посипуваат улиците со абразивен материјал.
-Двете возила кои се терен ги поминуваат улиците од прв и втор приоритет, доколку има потреба ќе се поминат и остантите улици. Додека траат врнежите од снег постојано се одржуваат чисти улиците, кои се влез и излез на градот, потоа тие кои водат до Клиничка болница-Штип, до останатите институции, низ централниот дел на градот, како и на главните улици во штипските населби, рече Протогеров.
![thumbnail_IMG_20210114_171216](/articles/images/shtipski-stipion-gi-chisti-ulicite-i-gi-posipuva-so-abraziven-materi-a/hPPvU0JFA/placeholder.webp?use_watermark=0)
Посочува дека имаат доволни количини абразивен материјал за зимско одржување на улиците. Во моментов располагаат со 100 тони сол и 80 кубици песок што, според Протогеров, се доволни количини за една просечна зима. вдј/хс/