Штипските велосипедисти им поделија пакетчиња на најмалите
- Штипските велосипедисти веќе трета година делат чоколади и пакетчиња на дечињата. На традиционалната велосипедска тура се возеше низ штипските населби со цел да се израдуваат најмалите и да се пренесе новогодишната магија во градот. Завршниот настан е на плоштадот „Слобода“.
![Штипските велосипедисти им поделија пакетчиња на најмалите](https://new.mia.mk/images/20231230155516_big_730x400_65.webp )
Штип, 30 декември 2023 (МИА) - Штипските велосипедисти веќе трета година делат чоколади и пакетчиња на дечињата. На традиционалната велосипедска тура се возеше низ штипските населби со цел да се израдуваат најмалите и да се пренесе новогодишната магија во градот. Завршниот настан е на плоштадот „Слобода“.
-Денес се планира да се направи една тура низ градот Штип. Ќе се оди до Домот во населбата Пребег, оттаму продолжуваме во населбата Баби, каде ќе има делење на пакетчиња и чоколади на најмалите. Од таа населба продолжуваме во Дузлак и крајната дестинација е плоштадот „Слобода“, каде очекуваме најголема масовност, изјави организаторот Драган Атанасов.
Целта е настанот да добие добро организирана форма, но и хумана суштина.
-Станува збор за хуманитарна акција којашто ја преземаат љубители на велосипедизмот, за сѐ со цел да ги усреќиме најмалите, да направиме хуманитарно дело – посета на домовите за деца без родители во Штип, како и да споделиме дека велосипедистите се дел од сообраќајот насекаде во овој град. Сакаме да пренесеме порака до сите дека велосипедизмот е спорт којшто треба да се негува, треба да ја продолжиме оваа традиција, рече Атанасов.
Годината се завршува со велосипедска тура, а така и ќе се почне, зашто велосипедистите имаат планирано низа активности за 2024 година. вдј/мд/
Фото: МИА