Шкендија ја прекина соработката со тренерот Ѓока
- Ернест Ѓока повеќе не е шеф на стручниот штаб на македонскиот фудбалски шампион Шкендија. Соработката е прекината со заеднички договор.
![Шкендија ја прекина соработката со тренерот Ѓока](https://new.mia.mk/images/20221108002434_big_730x400_90.webp )
Тетово, 30 јули 2021 (МИА) – Ернест Ѓока повеќе не е шеф на стручниот штаб на македонскиот фудбалски шампион Шкендија. Соработката е прекината со заеднички договор.
- ФК Шкендија го соопштува прекинот на соработката со тренерот Ернест Ѓока. Двете страни заеднички се договорија дека разделбата во моментов е во најдобар чекор и за клубот и за тренерот.
Шкендија во оваа прилика им се заблагодарува на Ѓока и неговиот помошник Фатјон Тафај за придонесот даден во периодот кога беа дел од „црвено –црните“, водејќи го тимот кон титулата шампион на земјата во натпреварувачката сезона 2020/2021. Им посакуваме здравје и се најдобро во иднина, соопшти Шкендија.
Во следните денови, клубот ќе одлучи за новиот тренер на кој ќе му биде доверена клупата за сезоната 2021/22. зс/