Шест најголеми несреќи на мостови во САД
- Од 1960 до 2015 година, имало 35 големи урнувања на мостови ширум светот поради судар на бродови или баржи, со вкупно 342 жртви, според извештајот на Светската асоцијација за инфраструктура на водниот транспорт за 2018 година.
![Шест најголеми несреќи на мостови во САД](https://new.mia.mk/images/20240327111537_big_730x400_34.webp )
Вашингтон, 27 март 2024 (МИА) - Од 1960 до 2015 година, имало 35 големи урнувања на мостови ширум светот поради судар на бродови или баржи, со вкупно 342 жртви, според извештајот на Светската асоцијација за инфраструктура на водниот транспорт за 2018 година.
Осумнаесет од тие несреќи се случија во САД. Најнов таков случај е уривањето на главниот мост во Балтимор, чиј столб го удри товарен брод, по што шест лица се прогласени за исчезнати.
Светските агенции, по тој повод, наведуваат список на катастрофи во кои се вклучени бродови или баржи кои удриле во мостови во САД, пренесува „Гласот на Америка“.
Мост „Попс“, 20 март 2009 година: Брод што влече осум бродови удри во мостот „Попс“ во Билокси, Мисисипи, што предизвика урнување во заливот на дел од мостот висок 45 метри.
„Мост на кралицата Изабела“ - 8 мртви, 15 септември 2001 година: Реморкер и товарен брод се судрија со мостот во Порт Изабел, Тексас, предизвикувајќи средниот дел од мостот со висина од 25 метри да се урне во заливот. Осум лица загинаа.
Мост „Идс“ - 50 повредени, 14 април 1998 година: Шлепот „Ен Холи“ кој патувал низ пристаништето Сент Луис удрил во централниот дел на мостот „Идс“. Осум бродови се откачиле, три под мостот удриле во шлеп кој бил трајно поврзан со мостот и на кој се наоѓало казиното. Педесет лица се здобиле со полесни повреди.
Мост „Биг Бају Канот“, 47 мртви, 22 септември 1993 година: Баржите што ги турна бродот во густата магла удриле и го поместија железничкиот мост „Биг Бају Канут“ во близина на Мобилеа, во државата Алабама. Неколку минути подоцна, возот „Амтрак“ со 220 луѓе стигна до оштетениот мост и излета од шините, при што загинаа 47 лица, а 103 беа повредени.
Мост „Сибер“, еден загинат, 28 мај 1993 година: Бродот за влечење „Крис“, туркајќи ја празната баржа „DM3021“, удри во потпорното ниво на мостот „Сибер“ во Њу Орлеанс. Два автомобила со три лица во нив паднале во каналот. Едно лице загина, а две се тешко повредени.
Мост „Саншајн скајвеј“, 35 мртви, 9 мај 1980 година: Товарниот брод „Самит Венчр“, долг 185 метри, пловел низ тесниот, кривулест бродски канал на заливот Тампа на Флорида, кога ненадејна, заслепувачка бура го урна бродскиот радар. Бродот го откинал потпорот на мостот, уривајќи дел од бетонскиот пат за време на утринскиот шпиц. Седум возила, вклучително и автобус со 26 патници, паднаа 150 метри во водата. Триесет и пет лица загинаа. рп/
Фото: ЕПА