Црковна богослужба во чест на Св.Наум Охридски - Чудотворец
- Во крстилницата при соборниот храм „Св.Кирил и Методиј" во Делчево се одржа црковна богослужба по повод празникот Св.Наум Охридски - Чудотворец.
![Црковна богослужба во чест на Св.Наум Охридски - Чудотворец](https://new.mia.mk/images/20221113171854_big_730x400_71.webp )
Делчево, 3 јули 2022 (МИА) - Во крстилницата при соборниот храм „Св.Кирил и Методиј" во Делчево се одржа црковна богослужба по повод празникот Св.Наум Охридски - Чудотворец.
Како што посочи пред верниците отец Јован Џаџовски, денеска меѓу другото се празнува денот посветен на светителот кој неуморно се трудел на преведувањето на Светото Писмо и на другите црковни книги од грчки на словенски јазик.
-Денес драги браќа и сестри го прославуваме споменот за Преподобниот Наум Охридски, еден од првите ученици на словенските првоучители Светите Кирил и Методиј, брат и содружник на Свети Климент Охридски. За него повеќе се знае од неговите проповеданија како за Чудотворец, рече Џаџовски.
Скоро и да нема документ на Св.Климент во кој како што истакна отецот, а да не се споменува Св.Наум Охридски - Чудотворец.
-Големи чуда се случиле на неговиот манастир помагајки на сите оние кои ја побарале неговата помош. Нека ни е напомош денешниот празник, истакна Џаџовски.
Крстилницата посветена на „Св.Наум“, е дел од големата црква „Св.Кирил и Методиј“ во Делчево е осветена во 2013 година и од тогаш до денес во неа секоја година се служи литургија во чест на ученикот на сесловенските браќа.вс/свс
![thumbnail_Krstilnica Sv.Naum Delcevo](/articles/images/%d1%86%d1%80%d0%ba%d0%be%d0%b2%d0%bd%d0%b0-%d0%b1%d0%be%d0%b3%d0%be%d1/Qxo8r5HUP/placeholder.webp?use_watermark=0)
![thumbnail_Bogosluzba](/articles/images/%d1%86%d1%80%d0%ba%d0%be%d0%b2%d0%bd%d0%b0-%d0%b1%d0%be%d0%b3%d0%be%d1/2WOWRiBgt/placeholder.webp?use_watermark=0)