Целје прв финалист на Струшкиот ракометен турнир
- Целје е првиот финалист на 50. јубилејно издание на Меѓународниот ракометен турнир „Струга 2022“, откако вечерва го совлада македонскиот шампион Вардар со 36:28 (17:17).
![Целје прв финалист на Струшкиот ракометен турнир](https://new.mia.mk/images/20221113201712_big_730x400_60.webp )
Струга, 18 август 2022 (МИА) - Целје е првиот финалист на 50. јубилејно издание на Меѓународниот ракометен турнир „Струга 2022“, откако вечерва го совлада македонскиот шампион Вардар со 36:28 (17:17).
Претходно екипата на Еурофарм Пелистер минимално го победи Татран Прешов со 25:24 (11:10) и во утрешниот натпревар со реми или победа против грчкиот вицешампион АЕК ќе игра во саботното финале на турнирот.
Во мечот меѓу АЕК и РК Струга, грчкиот тим убедливо го совлада домаќинот Струга со 30:15 (15:5). Најефикасен кај грчкиот претставник беше Живковиќ со шест погодоци, кај домаќинот на турнирот најпрецизни беа Бобан Блажески и Петар Маркоски со по три погодоци.
На Меѓународниот ракометен турнир во Струга денеска присустуваше и претседателот на државата Стево Пендаровски. сс/зс/
![струга турнир](/articles/images/%d1%86%d0%b5%d0%bb%d1%98%d0%b5-%d0%bf%d1%80%d0%b2-%d1%84%d0%b8%d0%bd%d/7zLKKgQGk/placeholder.webp?use_watermark=0)
![пендаровски турнир](/articles/images/%d1%86%d0%b5%d0%bb%d1%98%d0%b5-%d0%bf%d1%80%d0%b2-%d1%84%d0%b8%d0%bd%d/EFCtOS0Ul/placeholder.webp?use_watermark=0)