Хјустон, 18 март 2021 (МИА) – Кошаркарите на Хјустон рокетс ноќеска загубија од Голден Стејт со 108:94. Поразот беше 18-ти по ред за „ракетите“ во регуларниот дел од НБА-лигата оваа сезона. Ова е антирекорд по бројот на загубени натпревари во низа. Претходно, негативниот рекорд изнесуваше 17 порази по ред и беше поставен во 1968 година. Хјустон е на претпоследното, 14. место на табелата во Западната конференција. Екипата сезонава има 11 победи и 28 порази. зс/