Бејрут, 28 декември (МИА) - Милитантната група Хезболах, поддржана од Иран, со седиште во јужен Либан, ја опиша како „коалиција на злото“ западната поморска алијанса за заштита на трговските бродови во Црвеното Море, кои се изложени на напади од страна на јеменските Хути.

-Против коалицијата на злото претставена од Америка, Израел, Франција, Велика Британија, Италија и Германија, неопходно е да се формира заеднички фронт со добра коалиција на силите на антиизраелскиот отпор во Палестина, Либан, Иран, Јемен и Ирак, рече висок функционер на Хезболах, шеикот Наим Касем, пред толпата негови следбеници за време на говорот во Либан.

Милитантната група Хути, која контролира поголем дел од територијата на Јемен, напаѓа комерцијални бродови во Црвеното Море, што, како што тврди групата, е одмазда за убиството на Палестинците во Појасот Газа. мс/

фото: МИА архива