Хамилтон ќе постави личен антирекорд доколку не победи на британското Гран при
- Возачот на Мерцедес, Луис Хамилтон може да постави личен антирекорд по бројот на трки без победа на Големата награда на Британија. Триесет и седумгодишниот седумкратен шампион во Формула 1 е
![Хамилтон ќе постави личен антирекорд доколку не победи на британското Гран при](https://new.mia.mk/images/20221113164521_big_730x400_48.webp )
Лондон, 26 јуни 2022 (МИА) – Возачот на Мерцедес, Луис Хамилтон може да постави личен антирекорд по бројот на трки без победа на Големата награда на Британија. Триесет и седумгодишниот седумкратен шампион во Формула 1 е во серија од 10 трки без победа.
Неуспешната серија започна со трката за Големата награда на Абу Даби минатата година, а потоа тој не успеа да победи ниту еднаш на деветте трки од новата сезона.
Претходно, Британецот не победи на Ф-1 трка десет пати во низа, во 2008 - 2009 година и во периодот 2012 - 2013 година.
Хамилтон е шести во генералниот пласман со 77 бодови. зс/