Лондон, 4 јануари 2025 (МИА) - Британскиот боксер и поранешен шампион во тешка категорија на WBC, Тајсон Фјури, го најави своето враќање во професионалниот бокс.

- 2026 година е годината за враќање. Бев на пауза веќе некое време, но сега се враќам. Имам 37 години и сè уште се борам. Нема ништо подобро од удирање луѓе во лице и плаќање за тоа, напиша Фјури на социјалните мрежи.

Фјури го имаше своето деби во професионалниот бокс во 2008 година, акумулирајќи 34 победи, два пораза и едно реми.

Британецот ги имаше своите последни две борби во мај и декември 2024 година, губејќи ги обете од Украинецот Олександр Усик. зс/

Фото: ЕПА