Сараево, 4 јануари 2021 (МИА) – Изборот на нов селектор на Босна и Херцеговина (БиХ) што беше најавен за денеска, пропадна поради жестоки поделби на национална основа меѓу членовите на Извршниот одбор на локалната фудбалска федерација (НС/ФС БиХ). Локалните медиуми јавија вечерва дека членовите на Извршниот одбор на НС/ФС БиХ се поделиле околу двајцата кандидати, бугарскиот тренер Ивајло Петев и поранешниот босански репрезентативец Сергеј Барбарез. Според истите извори, Петев ја има поддршката на српските и хрватските членови, додека Барбарез е прв избор на бошњачките членови на Извршниот одбор. Терминот кога ќе продолжи прекината седница ќе биде дополнително утврден, а според процените на локалните медиуми, веројатноста од ново изборно фијаско околу наследникот на Душан Бајевиќ е многу извесна, бидејќи целата ситуација статутарно е многу комплицирана и апсурдна. ег/ссм/