Комо, 11 мај 2025 (МИА) - Сеск Фабрегас, тренерот на Комо од Серија „А“, најверојатно ќе го промени својот тим ова лето. За него постои интерес од бундеслигашките клубови Баер Леверкузен и РБ Лајпциг, објавија германските медиуми. 

Поранешниот шпански репрезентативец и играч на Арсенал ја заврши кариерата во Комо и стана тренер таму минатата година со договор до 2028 година, откако тимот избори промоција во елитата. Комо е големото изненадување во Серија „А“, се наоѓа на десеттото место, а Фабрегас беше прогласен за тренер на месец април по шест последователни победи. Тимот победи со 3-1 против Каљари во саботата.

-Што и да се случи, секогаш ќе му бидам благодарен на клубот за она што ми го даде. Многу сум горд на она што го изградивме во Комо. Сакам да оставам нешто зад себе кога ќе заминам. Мојот наследник ќе дочека силен тим, изјави Шпанецот. 

Сепак, тој веднаш појасни дека ова не е проштален говор. 

-Кога ќе дојде време, ќе го објавам тоа, рече светскиот и двократниот европски шампион.

Медиумските извештаи тврдат дека тој е во преговори со шампионот на Бундеслигата за 2024 година, Баер Леверкузен, за да го замени својот сонародник Чаби Алонсо, кој заминува во лето. дс

Фото: Архива