Укинат пратеничкиот имунитет на десничарски лидер во Германија
- Германските пратеници денеска му го укинаа пратеничкиот имунитет на десничарскиот политичар Александар Гауланд во рамките на истрагата поради наводни даночни неправилности.
![Укинат пратеничкиот имунитет на десничарски лидер во Германија](https://new.mia.mk/images/20221103163727_big_730x400_8.webp )
Берлин, 30 јануари 2020 (МИА) - Германските пратеници денеска му го укинаа пратеничкиот имунитет на десничарскиот политичар Александар Гауланд во рамките на истрагата поради наводни даночни неправилности.
Гауланд (78) е еден од лидерите на парламентарната партија Алтернатива за Германија, а имунитетот му се одзема за да се овозможи „извршување на одлуките за претрес и заплена кои ги наложи судот“.
Обвинителите во Франкфурт, како што пишува германскиот весник „Шпигел“, истражуваат дали Гауланд правилно уплаќал данок.
Поради се уште непозната причина, пратениците го укинале и имунитетот на член на партијата на канцеларката Ангела Меркел.
Истрагата против Гауланд е одвоена од истрагата за неговата сопартијка од Алтернатива за Германија Алис Вајдел, која е обвинета за нелегално финансирање на партијата. Таа ги негираше обвинувањата. ез/јт/