Скопје, 14 април 2024

Изборите се празник за демократијата, затоа ги охрабруваме сите граѓани на 24-ти април да го користат своето граѓанско право и да придонесат за демократската иднина на нашата земја.

Партијата за движење на Турците - ТХП смета дека секој глас е вреден и не смее да се дозволи да се тргува со добронамерната волја на граѓаните. Затоа повикуваме уште во првиот круг да се поддржи кандидат кој ќе победи на изборите и вистински државник кој е прифатлив за сите граѓани. А несомнено тоа е Стево Пендаровски кој во изминатите години докажа дека е претседател на сите граѓани без разлика на етнички, религиозни, политички и социјални разлики.

Убедени сме дека на 24-ти април со силната поддршка на Пендаровски ќе ја зајакнеме довербата кон мултиетничкиот и мултикултурниот карактер на нашата земја. Не се сомневаме дека турската заедница повторно масовно ќе се одважи и ќе даде поддршка за европската иднина на нашата земја.

Партијата за движење на Турците - ТХП

______________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки

фото Партијата за движење на Турците - ТХП