Сараево, 6 септември 2024 (МИА) - Министерството за одбрана на Босна и Херцеговина информира дека, во периодот од 9 до 13 септември 2024 година, ќе се спроведе нов планиран набљудувачки лет во рамките на Договорот „Отворено небо“.

Министерството за одбрана и Оружените сили на БиХ, во соработка со Министерството за надворешни работи, Министерството за комуникации и транспорт на БиХ и Меѓународниот аеродром Сараево, ќе го реализираат набљудувачкиот лет на Република Хрватска и Република Турција, според одредбите на меѓународниот договор „Отворено небо“.

Граѓаните се информираат дека станува збор за најавена активност, при што екипажот на авионот и меѓународните инспектори ќе бидат придружувани од тим од Оружените сили на БиХ и Министерството за комуникации и транспорт. Летот ќе биде спроведен со CN-235 авион од военото воздухопловство на Република Турција. ссм/

фото: архива