Торонто, 30 декември 2020 (МИА) – Екипата на Торонто загуби од Филаделфија (93:100) во ноќешниот натпревар од новата сезона во НБА-лигата. Овој пораз беше трет во трите натпревари од сезоната 2020/2021 за канадскиот тим. „Репторс“ го бележат својот најлош старт во последните 15 години. Торонто последен пат започна со три последователни порази во 2005/2006 година. Тогаш тимот загуби девет натпревари по ред. Следниот натпревар на Торонто е на 1 јануари против Њујорк. зс/