Средба на Божиновска со амбасадорката на Германија со цел продлабочување на билетарелната соработка
- Министерката за енергетика, рударство и минерални суровини Сања Божиновска, денеска остварила средба со претставници на Германската амбасада во земјава, на која било разговарано за продлабочување на билетарелната соработка во областа на енергетската транзиција и справувањето со климатските предизвици.

Скопје, 15 јануари 2025 (МИА) – Министерката за енергетика, рударство и минерални суровини Сања Божиновска, денеска остварила средба со амбасадорката на Република Германија во земјава Петра Дрекслер, на која било разговарано за продлабочување на билетарелната соработка во областа на енергетската транзиција и справувањето со климатските предизвици.
Како што информираат од МЕРМС, на средбата Дрекслер ѝ доставила официјална покана за учество на 11. Берлински дијалог за енергетска транзиција, кој ќе се одржи на 18 и 19 март годинава.
– Во текот на средбата, министерката Божиновска доби официјална покана која беше доставена од страна на амбасадорката на Сојузна Република Германија во Македонија Н.Е. Петра Дрекслер, за учество на 11-тиот Берлински дијалог за енергетска транзиција, кој ќе се одржи на 18 и 19 март 2025 година во Берлин. Поканата е упатена од страна на министерката за надворешни работи на Германија, Аналена Бербок и министерот за економија и климатска акција, Роберт Хабек, соопштуваат од МЕРМС.
Во соопштението наведуваат дека Берлинскиот дијалог за енергетска транзиција е водечки меѓународен форум кој ги обединува високи претставници од политиката, индустријата, науката и граѓанското општество за размена на идеи и решенија за глобалната енергетска транзиција. ра/са/
Фото: МЕРМС