Њујорк, 27 септември 2024 (МИА) - Највисоките американски и кинески дипломати одржаа разговори денеска во Њујорк, бидејќи некогаш зголемените тензии меѓу силите се намалуваат и покрај голем број несогласувања.

Државниот секретар Ентони Блинкен се сретна со кинескиот министер за надворешни работи Ванг Ји на маргините на Генералното собрание на ОН во кинеската мисија, изјави американски официјален претставник, при што двајцата не дадоа никакви изјави.

Двајцата последен пат се сретнаа во јули на регионална конференција во Лаос.

Кина за време на самитот во ноември 2023 година со претседателот Џо Бајден се согласи со клучните барања на САД за обновување на воената комуникација и преземање мерки против производителите на состојки во фентанил.

Но, остануваат широк спектар на несогласувања, при што Кина е огорчена поради големите американски санкции за извозот на технологија, за кои Вашингтон вели дека се потребни од причини за национална безбедност.

САД, исто така, ја предупредија Кина за високите тензии на море со нивниот сојузник Филипините. зш/
фото ЕПА