Спортски активности за деца со попреченост во образовниот процес - цел на проектот кој треба да го реализира Специјалната олимпијада, АМС и МОН
- Агенцијата за млади и спорт денес организираше работен состанок со претставници од Меѓународната Специјална Олимпијада, кои во соработка со претставници на Специјалната олимпијада на РСМ, вклучувајќи ги сите засегнати институции како Агенцијата за млади и спорт, Министерството за образование и наука и други ќе се вклучат во имплементација на активности насочени кон децата со попреченост и нивната инклузија во спортските активности во рамките на образовниот процес.
![Спортски активности за деца со попреченост во образовниот процес - цел на проектот кој треба да го реализира Специјалната олимпијада, АМС и МОН](https://new.mia.mk/images/20230426164352_big_730x400_2.webp )
Скопје, 26 април 2023 (МИА) - Агенцијата за млади и спорт денес организираше работен состанок со претставници од Меѓународната Специјална Олимпијада, кои во соработка со претставници на Специјалната олимпијада на РСМ, вклучувајќи ги сите засегнати институции како Агенцијата за млади и спорт, Министерството за образование и наука и други ќе се вклучат во имплементација на активности насочени кон децата со попреченост и нивната инклузија во спортските активности во рамките на образовниот процес.
Ова е процес, за кој е потребно време, посветеност и вистинска желба за реализација на зацртаните цели на проектот кои ќе обезбедат вклучување на децата со попреченост во сите содржини меѓу кои и учество во спортски активности во склоп на образовниот процес, но и во спортски и граѓански здруженија, клубови и федерации по примерот на развиените земји.
- На работната средба учествуваше главниот двигател на социјалната инклузија преку спорт-Дејвид Евангелиста, Регионален Претседател и Управен Директор за Европа, Евроазија. Дејвид Евангелиста ги надгледува програмските операции во 58 земји во Западна Европа, Централна и Источна Европа и Централна Азија обезбедувајќи стратешки насоки и ангажман со јавниот и приватниот сектор за да се подигне свеста и да се добие поддршка. Тој, исто така, ги води акциите за собирање средства за регионот. Евангелиста има големо глобално искуство во областите на владините односи, индустрискиот ангажман, меѓународниот развој и градењето глобално партнерство за поддршка на маргинализираните популации.Тој е основач на Глобалната алијанса за интегритет на спортот (SIGA) и актуелен член на Центарот за спорт и човекови права. Тој е главниот претставник на Лајонс клубот за специјални олимписки игри во Вашингтон, Д.Ц. Евангелиста служеше како гостин говорник за Обединетите нации, Европската Унија, универзитетите, и голем број граѓански организации за прашања поврзани со меѓународниот развој, инвалидитет и односите со владата. Тој беше денешен гостин во АМС заедно со Марта Џо Брајчич – Потпретседател на Специјална Олимпијада за Европа и Евроазија, соопшти АМС.
Улогата на Специјалната олимпијада во проектот е промовирање на социјалната вклученост преку унифицирани спортски тренинзи и натпреварувачки искуства, бидејќи заедничкото спортување е само уште еден начин на кој се бришат предрасудите и лажните идеи. зс/