Според нашето толкување на Преспанскиот договор, на став сме дека не го прекршуваме договорот со Грција, вели Муцунски
- -За нас во овој момент, ако ја гледаме поставеноста на нашата надворешна политика, ние не сметаме дека има проблем затоа што ние и покрај тоа што јасно сме кажале дека сметаме дека овој договор бил проблематичен кога се создавал, апсолутно веруваме во принципот дека договорите мора да се почитуваат. И сметаме дека со нашето постапување ги почитуваме одредбите од Преспанскиот договор. И другата страна кога не смета така, прво има механизми коишто има право да ги активира и во рамките на самиот договор, но истовремено има можност да побара да имаат разговори. Ќе кажам дека во неколку наврати неформално сум разговарал со министерот за надворешни работи на Грција. Се слушнавме пред некој ден за состојбите околу пожарите и укажавме дека треба да си помагаме во вакви ситуации бидејќи како што ние се соочуваме со пожари и нашиот сосед Грција во овој момент се соочува со пожари, но ние сме тука да ги штитиме тие наши интереси коишто ги имаме. И ние од гледна точка на нашата поставеност, на нашето толкување на Преспанскиот договор во овој момент сме на ставот дека ние не го прекршуваме тој Договор, вели Муцунски.
![Според нашето толкување на Преспанскиот договор, на став сме дека не го прекршуваме договорот со Грција, вели Муцунски](https://new.mia.mk/images/20240718211137_big_730x400_84.webp )
Веста е достапна само за претплатниците на веб-сервисот на МИА.
Логирајте се или контактирајте го секторот за маркетинг за повеќе информации.