Киев, 22 мај 2024 (МИА) - Руските власти денеска, со посредство на Катар, врати шест украински деца на нивните роднини, а кои беа држени во Русија.

Шест момчиња на возраст од 6 до 17 години, меѓу кои и двајца браќа, вратени се на семејствата во амбасадата на Катар во Москва во присуство на претставничката на Кремљ задолжена за прашања што се однесуваат на деца, Марија Лвова-Белова.

Меѓународниот кривичен суд (МКС) води кривична постапка против неа и рускиот претседател Владимир Путин поради депортација на украински деца во Русија. Западот го обвинува Кремљ дека организирал депортација на илјадници малолетници од Украина. ссм/

фото: архива