Бања Лука, 5 април 2024 (МИА) - Унгарскиот министер за надворешни работи Петер Сијарто изјави денеска дека нема спорни политички прашања меѓу Унгарија и Република Српска, така што ништо не стои на патот на развојот на економските врски.

Во својот воведен говор на бизнис форумот организиран од Унгарија и Република Српска во Бања Лука, Сијарто рече дека изминатите години биле „непредвидливи“ поради последователните кризи, пренесе МТИ.

„Во такви времиња, се зголемува важноста на сигурната соработка, како што е економската, трговската и меѓукорпорациската меѓу Унгарија и Република Српска. Унгарските компании, од кои 24, со 32 претставници кои присуствуваат на форумот, работат со најмодерна технологија и имаат „одлични препораки и искуство. Тие можат многу да придонесат за економскиот просперитет и технолошкиот развој на Република Српска“, рече Сијарто.

Компаниите претставени на форумот, додаде тој, работеа користејќи врвна технологија во управувањето со водите, одржливото производство на енергија, земјоделството и производството на машини. рп/

Фото: ЕПА