Скопје, 5 декември 2024 (МИА) - Симулација на постапка пред Европскиот суд за човекови права, ќе се одржи денеска со почеток во 12.00 часот, во Судницата на Правниот факултет при УГД – Штип.

Настанот ќе биде изведен од страна на студентите кои претходно учествувале на меѓународни натпревари по истата тематика.

Со овој настан, се одбележува и Меѓународниот ден на човековите права, а истиот е дел од активностите на Центарот за меѓународно право и меѓународни односи при Правниот факултет - Универзитетот „Гоце Делчев“ кој е член на Open Council of Europe Academic Networks (OCEAN) мрежата при Советот на Европа, наведуваат од факултетот. вг/нд/

Фото: Плакат