Силна експлозија оштети две згради во Санкт Петербург, шест лица побарале медицинска помош
- Американските медиуми, повикувајќи се на прес-службата на градскиот здравствен комитет, пренесуваат дека по експлозијата шест лица побарале медицинска помош. Гувернерот на Санкт Петербург, Александар Беглов, изјави дека „инцидентот“ се случил во североисточната област Красногвардејски и дека во него нема жртви, но жителите се евакуирани.
![Силна експлозија оштети две згради во Санкт Петербург, шест лица побарале медицинска помош](https://new.mia.mk/images/20240302114459_big_730x400_25.webp )
Санкт Петербург, 2 март 2024 (МИА) - Две згради се оштетени во рускиот град Санкт Петербург, а жителите се евакуирани по силната експлозија што утринава ги разнесе прозорците на објектот, јавија руските медиуми.
Американските медиуми, повикувајќи се на прес-службата на градскиот здравствен комитет, пренесуваат дека по експлозијата шест лица побарале медицинска помош.
Гувернерот на Санкт Петербург, Александар Беглов, изјави дека „инцидентот“ се случил во североисточната област Красногвардејски и дека во него нема жртви, но жителите се евакуирани.
Градоначалникот не ја наведе причината или природата на инцидентот.
Жителите сведочат дека прво слушнале необичен звук, а потоа експлозија, по што избувнал пожар.
Руските медиуми пишуваат дека е можно да се работи за соборено украинско беспилотно летало, што за своја цел го имало блиското складиште за гориво.сд/
фото: Х