• петок, 24 мај 2024

Си-Ен-ЕН: Завршени директните напади меѓу Иран и Израел, Техеран веќе нема да одговори

Си-Ен-ЕН: Завршени директните напади меѓу Иран и Израел, Техеран веќе нема да одговори

Вашингтон, 19 април 2024  (МИА) - Директните напади меѓу Израел и Иран завршија и Техеран нема да одговори на денешниот наводен израелски напад, јави Си-Ен-Ен, повикувајќи се на неименуван разузнавачки извор во регионот.

Според истиот извор, Иран нема да одговори на денешниот наводен напад врз иранскиот град Исфахан.

Американски функционер претходно денеска изјави за Си-Ен-Ен дека Израел го нападна иранскиот град Исфахан како одмазда за нападот на Иран врз Израел на 13 април, а иранските медиуми објавија дека три беспилотни летала биле соборени над Исфахан.

Иран го нападна Израел на 13 април со околу 300 беспилотни летала и проектили како одмазда за израелскиот напад врз конзулатот во Дамаск на 1 април, во кој загинаа командантот на иранската револуционерна гарда во Сирија и Либан, Мохамад Реза Захеди и неговиот заменик, како и петмина полицајци кои ги придружувале. паг/

Фото: МИА архива

 

 

Остани поврзан