Сеул, 12 септември 2024 (МИА) - Северна Кореја денеска истрела неколку „балистички ракети со краток дострел“ кон морето, соопшти јужнокорејската војска.

Војската го анализира инцидентот и „споделува информации“ со американските и јапонските власти.

Јапонското Министерство за одбрана го потврди лансирањето на најмалку една севернокорејска балистичка ракета.

Пјонгјанг во минатото изведуваше ракетни проби околу 9 септември, денот кога се одбележува годишнината од основањето на Демократска Народна Република Кореја во 1948 година. паг/

Фото: МИА архива