„СЕАТ“ работи на новиот мал електричен теренец
- Возилото ќе се заснова на модифицирана платформа „МЕБ-Лајт“, дизајнирана за компактни возила што ќе ја користат „Фолксваген ИД 1“ и „ИД 2“, кои ќе се појават на пазарот порано. Шефот на СЕАТ,
![„СЕАТ“ работи на новиот мал електричен теренец](https://new.mia.mk/images/20221106142417_big_730x400_61.webp )
Мадрид, 23 март 2021 (МИА) - Шпанската компанија „СЕАТ“ подготвува мал електричен теренец за 2025 година. Новиот модел ќе оди на електричен погон и ќе одговара на димензиите на денешната „Арона“.
Возилото ќе се заснова на модифицирана платформа „МЕБ-Лајт“, дизајнирана за компактни возила што ќе ја користат и „Фолксваген ИД 1“ и „ИД 2“, кои ќе се појават на пазарот порано. Шефот на СЕАТ, Вејн Грифитс првпат го објави планот за новиот компактен електричен модел во февруари.
Тој тогаш рече дека „СЕАТ“ и „Купра“ ќе помогнат електричните автомобили да бидат подостапни за пошироката јавност нудејќи градски мал електричен автомобил и дека ова е проект на кој се работи со групацијата „Фолксваген“.
- Овој сегмент во Европа е огромен и ќе ги менува електричните автомобили. Ќе биде тешко, а полесно е со „Порше Тајкан“, што е на врвот на пазарот. Кога работите со помали автомобили, заработувањето пари е предизвик, рече Грифитс.
Верзиите на потенцијалниот дизајн се завршени, а новиот модел најверојатно ќе биде објавен оваа година. Целта е тој да биде подготвен за пазарот до 2025 година. Капацитетот на најголемата батерија ќе биде 45 киловат-часови. си/сд/