Сајнц казнет со 25.000 евра за влегување на патеката по излетувањето со болидот во Сингапур
Сингапур, 21 септември 2024 (МИА) - Возачот на Ферари, Карлос Саинц е казнет по квалификациите за Големата награда на Сингапур.
Саинц излета во третиот сегмент, а потоа пеш ја мина патеката за да влезе во боксот. Стјуардите го казнија Карлос со 25.000 евра.
Судиите потсетија дека правилата јасно им забрануваат на возачите да ја минуваат патеката без дозвола на маршал, бидејќи тоа создава „потенцијално многу опасна ситуација“.
Сајнц беше убеден дека патеката е чиста бидејќи по инцидентот се активиртаа црвените знамиња што значеше прекин на квалификациите. Сепак, пет болиди ја продолжија трката, а можно беше некој да згреши и да не се сврти во боксот или да влезе во боксот побрзо отколку што мислеше Саинц.
Покрај тоа, на патеката имаше потенцијално друга опрема за која пилотот не знаеше, се вели во соопштението на веб-страницата на ФИА. зс/
Фото: ЕПА
