Скопје, 24 февруари 2023 

Последната недела дена сме сведоци на бројни написи по јавните медиуми во однос на интерпретација на археолошки и епиграфски споменици откриени при заштитните археолошки ископувања на источната некропола на античкиот град Скупи.

Како стручна фела сме засегнати од нестручното, шпекулативно интерпретирање на овие наоди и нивното ставање во дневните агенди на политичките партии.

Македонското археолошко друштво апелира до сите политички чинители да се воздржат од толкување на откриените наоди и мешање на политиката во овластувањата на надежните институции од заштита на културното наследство, како и во доменот на археолошката струка и наука.

Археолошки истражувања се долг и макотрпен процес, а интерпретацијата на археолошките и епиграфски наоди бараат посебен третман и кабинетска обработка пред истите да бидат стручно и научно верификувани.

Фото: Фејсбук

Македонско археолошко друштво

—————————————————————————————————————————

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.