Скопје, 10 март 2022 (МИА) - Во рамки на активностите поврзани со Меѓународниот проект „Говор на омраза како валута на национализмот: институционалeн одговор во Северна Македонија“, а во контекст на образованието како суштинска алатка за зголемување на интеркултурното разбирање, Комитетот за односи меѓу заедниците денеска ќе оствари работна посета на ЈОУДГ „Фидани“ - Чаир. Како што информираат од собраниската прес-служба, работната посета е со цел зајакнување на успешноста на институциите и нивната професионалност во однос на решавање на проблемот со говорот на омраза.фф/са/