Продолжува акцијата за уредување на тревните површини на кејот на Вардар во Скопје
- Екипите на ЈП „Паркови и зеленило“ Скопје деновиве спроведуваат акција за косење на зеленилото на кејот на Вардар со која интензивно се уредува вегетацијата, во координација и по налог на Гра
![Продолжува акцијата за уредување на тревните површини на кејот на Вардар во Скопје](https://new.mia.mk/images/20221113183654_big_730x400_24.webp )
Скопје, 22 јули 2022 (МИА) - Екипите на ЈП „Паркови и зеленило“ Скопје деновиве спроведуваат акција за косење на зеленилото на кејот на Вардар со која интензивно се уредува вегетацијата, во координација и по налог на Град Скопје.
-Акцијата започна во Ново Лисиче на потег од мостот Близнак до ЈП „Лајка“. Теренските екипи неделава работат на косење на неуредените тревни површини, кастрење на гранки, сечење избојци и чистење на површините. Екипите со соодветна механизација работат и на косење и уредување на дивоизраснатата вегетација на овој простор, информираат од ЈП „Паркови и зеленило“.
Истовремено, посочуваат, во склоп на оваа акција на косење на зеленилото на кејот се работи и од левата страна на Вардар, каде што се врши уредување на зеленилото на потегот од вливот на Лепенец во Вардар до мостот на булеварот „8 Септември“.
-Оваа акција е дел од вонредните работни активности на ЈП „Паркови и зеленило“. Во заедничка соработка со Градот Скопје посветено и редовно ги одржуваме јавните зелени површини во градот во корист на посетителите и за целите на рекреација на граѓаните на кејот на Вардар, велат од јавното градско претпријатие. вј/аа/
![Косење3](/articles/images/%d0%bf%d1%80%d0%be%d0%b4%d0%be%d0%bb%d0%b6%d1%83%d0%b2%d0%b0-%d0%b0%d0/Dpu3bd7LM/placeholder.webp?use_watermark=0)