Претседателката на Хондурас се заложи за воспоставување официјални односи со Кина
Пекинг не дозволува земјите кои имаат дипломатски односи со Кина во исто време да имаат официјални односи со Тајван. Тајпеј изрази сериозна загриженост и го повика Хондурас да размисли за оваа одлука и „да не падне во кинеската стапица“.
Тегусигалпа, 15 март 2023 (МИА) - Претседателката на Хондурас Сиомара Кастро објави на Твитер дека побарала од министерот за надворешни работи на нејзината земја да воспостави официјални односи со Кина, што го става Тајван, кој има дипломатски односи со Хондурас, во непријатна положба.
Пекинг не дозволува земјите кои имаат дипломатски односи со Кина во исто време да имаат официјални односи со Тајван.
Тајпеј изрази сериозна загриженост и го повика Хондурас да размисли за оваа одлука и „да не падне во кинеската стапица“.
- Мораме да бидеме многу прагматични и да се стремиме кон она што е најдобро за народот на Хондурас, изјави министерот за надворешни работи на Хондурас, Едуардо Реина.
Тајван има официјални односи со 14 земји во светот, а сега е во опасност да загуби еден од своите сојузници. ссм/
Mia.mk користи колачиња Ние користиме колачиња за да го подобриме вашето искуство со прелистување, да опслужуваме персонализирани реклами или содржини и да го анализираме нашиот сообраќај. Со кликнување на „Прифати“, се согласувате со нашата употреба на колачиња.
