Москва, 20 август 2024 (МИА) - Претседателот на кинескиот Државниот совет Ли Чијанг денеска пристигна во официјална посета на Москва.

Ли ќе се сретне со својот руски колега Михаил Мишустин и со рускиот претседател Владимир Путин.

Посетата на Ли се одвива по покана на Мишустин и се очекува страните да разговараат за перспективите за развој на сеопфатното партнерство и проширување на соработката во неколку области, вклучително и енергетиката и автомобилската индустрија. Исто така, ќе бидат потпишани неколку меѓувладини документи.

Посетата се совпаѓа со 75-годишнината од воспоставувањето на дипломатски односи меѓу двете земји и ќе трае до 22 август.

Портпаролката на кинеското Министерство за надворешни работи Мао Нинг претходно неделава рече дека „под стратешко водство на двајцата претседатели, кинеско-руските односи ги надминаа надворешните пречки и одржуваат здрав и стабилен раст.“ Таа нагласи дека механизмот на билатерални средби е исклучително важен за „промовирање на практична соработка и културна размена.“

Мао Нинг додаде дека за време на неговата посета од вторник до петок ќе се одржи „29-та редовна средба меѓу кинески и руски владини претставници.“ Таа истакна дека Ли планира да „размени длабоки мислења за практичната соработка во билатералните односи и прашања од заеднички интерес“ со рускиот премиер Михаил Мишустин.

Стратешкото партнерство меѓу Русија и Кина стана уште поблиско по инвазијата на Москва врз Украина, која Пекинг никогаш не ја осуди. Кина се претставува како неутрална страна во војната и тврди дека не испраќа смртоносна помош на ниту една страна, за разлика од САД и другите западни нации. Сепак, Кина е блиски политички и економски сојузник на Русија, а членките на НАТО го означија Пекинг како „одлучувачки поддржувач“ на војната, потсетува Гласот на Америка.

По посетата на Русија, Ли ќе ја посети и Белорусија. 

Белорускиот лидер Александар Лукашенко двапати ја посети Кина минатата година, ветувајќи дека ќе биде „сигурен партнер“ на Пекинг.

Белорусија се потпира на Русија за политичка и финансиска поддршка и беше користена како лансирна платформа за нападот на Москва врз Украина во февруари 2022 година. Официјално се приклучи на Шангајската организација за соработка во јули, станувајќи 10-ти член на проширената групација на нации, која Пекинг ја гледа како потенцијален противтежа на светскиот поредок предводен од САД.

- Кина и Белорусија се сеопфатни стратешки партнери во сите временски услови,изјави Мао Нинг во понеделникот. ссм/

фото: принтскрин