Техеран, 16 март 2026 (МИА) - Прекинот на интернетот во Иран трае веќе 17-ти ден, објави организацијата за следење на интернетот NetBlocks.

„Во текот на изминатиот ден беше забележано слабеење на клучната телекомуникациска мрежна инфраструктура. Ова дополнително ја намали достапноста на VPN-мрежите и ги исклучи некои корисници од таканаречената бела листа, како и услугите на Националната информативна мрежа“, се наведува во соопштението на NetBlocks.

Да потсетиме дека и во текот на декември и јануари во Иран имаше прекини во интернет-врските, но тогаш причината беа демонстрациите и потоа и насилните протести против клерикалниот режим во земјата поради лошата економска ситуација. сд/јт/

Фото: Икс