Лондон, 14 март 2025 (МИА) - Менаџерот на Евертон, Дејвид Мојс е прогласен за Менаџер на месецот за февруари 2025 година, освојувајќи ја наградата по 11-ти пат во кариерата, објави Премиер лигата.

Според овој показател, Шкотланѓанецот се израмни на третото место во рангирањето со менаџерот на Манчестер Сити, Пеп Гвардиола, а повеќе награди имаат само Сер Алекс Фергусон (27 пати) и Арсен Венгер (15 пати).

Мојс освои најмногу гласови во трката со Оливер Гласнер (Кристал Палас), Анже Постекоглу (Тотенхем), Арне Слот (Ливерпул) и Марко Силва (Фулам).

Мојс (61) ја освои наградата за прв пат по март 2013 година, кога сè уште беше на крајот од првиот претстој во Евертон и точно 23 години откако го потпиша првиот договор со „карамелите“ на 14 март 2002 година.

-За мене да се вратам во клубот и да станам менаџер на месецот толку брзо главно зависи од играчите, нивниот став и начинот на кој работеа. Тие беа фантастични, изјави Мојс за веб-страницата на Евертон.

Менаџерот повторно го презеде Евертон во јануари, а тимот остана непоразен во текот на февруари. дс

Фото: Архива